主页 > 中国分类 >期望支持,港漫转营 >
发表于2020-07-16
878次已读

期望支持,港漫转营

期望支持,港漫转营

牛佬&伦裕国嘅2018新作《金蒙空》,将会喺「PASSIONPRIME」呢个网络平台每日更新连载。点解咁做,相当明显──就係香港「实体书」已到咗冇得做嘅地步!冇得做嘅原因,之前已经讲过好多次,不再赘述(单单报摊日益见少,已经係一个死症。) 

时代唔同咗,任何一个行业都要面对呢D转变,港产连环图亦唔例外!所以,自己希望喺「香港实体书」消失之前,做好呢个转接──由「实体书」转去「网络」继续经营。呢一个动作,颇为艰巨,好话唔好听一个唔觉意,就会灰飞烟灭。既然咁冒险,点解又要做呢?因为,已经去到「唔变唔得」嘅地步,大家睇睇市面就知道──报摊逐档减少之余,港漫出品亦係一只手指数得晒!既然係咁,冇理由仲喺度固步自封!係咪? 

呢一个重大转变,一个影响所有港漫读者嘅转变,能否成功,要睇一众老友记勒!当然,我哋亦会竭尽所能做好份内事嘅! 

支持港漫,马上订购PassionPrime:



上一篇: 下一篇:
相关文章